دلوقتى لو عندك شبكة مثلاً فيها عدد من الأجهزة وعايز تنزل النسخة الأحتياطية اللى انت عملتها فمش معقولة انك تعمل copy للنسخة على كل الأجهزة وبعدين تعمل استعادة للنسخة على كل جهاز الطريقة دى هتاخد منك وقت اطول. طب ايه الحل
1- يكون عندك برنامج Symantec GhostCast Server
2- اسطوانة Hiren's
تابع معايا الشرح بالصور
اول حاجة شغل برنامج Symantec GhostCast Server من على اى جهاز معاك فى نفس الشبكة
( Session Name ) اكتب فيه أى أسم .
( Image file ) اختار Browse وبعدين حدد مكان النسخة موجودة فين على الجهاز.
( Disk ) لو انت عايز تعمل النسخة على مستوى الهارديسك كله ( يعنى أى ملفات موجودة على الهارديسك هتتمسح).
(Partition) لو انت عايز ترجع النسخة على مستوى الـ Partition ( المكان اللى فيه نسخة الويندوز القديمة ).
لازم تخلى بالك من الأختيارين دول لو اخترت غلط الملفات هتتمسح زى ما قلت
بعد كده لازم تختار (Accept Clients ) علشان تسمح للـ ( Client ) يتصل بالـ (Server) .
بعد ما تعلم على كل الأختيارات دى هتكون بالشكل التالى:
بعد كده نروح على أى جهاز من الأجهزة اللى عايزين ننزل النسخة عليه ونشغل اسطوانة الـ Hiren's زى الشرح التالى:
سيب البرنامج على الأختيارات الأفتراضية ( Defaults) لغاية ما يتعرف على كارت النتورك الخاص بجهازك
ممكن تختار أى واحدة من الثلاثة لو عايز تعرف الفرق بينهم ممكن ترجع للرابط ده
ده باختصار الفرق بينهم
Multicast | one / Many to Many.
Broadcast | one to Many.
Unicast | one to one.
هنا لازم تكتب اسم الـ Session اللى انت كتبته فى الأول فى برنامج Symantec GhostCast Server
بعدين ممكن تختار
(Automatic) لو انت مش عارف الـ IP بتاع الجهاز اللى انت فاتح عليه البرنامج
(Server IP Address) او حدد الـ IP لو انت عارفه أو الشبكة عندك كبيرة بدل ما يأخد وقت فى عملية البحث
ملحوظة هامة : لو انت ما اختارتش Accept Clients البرنامج هيفضل يدور على الفاضى
بعد كده لازم زى ما قلت قبل كده فى الدرس ده انك تخلى بالك من الـ Partition اللى هترجع عليه النسخة
بعد ما تدوس (yes) هتلاقى مفيش اى Progress لازم ترجع للـ Server وتدوس Send.
هتلاقى الـ Client ابتدى يستقبل الـ Data اللى جايه ليه من الـ Server.
وبكده يكون الشرح خلص لو فى استفسار اكتب تعليقك.
0 comments:
إرسال تعليق